أخواني أخواتي السلام عليكم ورحمة الله وبركاته
احب ان اتواصل معكم بهذه الابيات المواتضعه
التي اتمني ان تنال اعجابكم
وترتقي لذائقتكم الشعريه
واترككم مع الابيات
يقول فيها
لا واهني الطير لاصار له ريش
يطير به لما بغا الرزق يعتاش
والا ليا خربت عليه العشاعيش
ما ضاق ما دام الفضاء توه انعاش
له عادتن في كل يوم(ن) مغابيش
يقضي مطاليبه قبل هجد الاوحاش
يابري حالي كل ما اذكر مواريش
ياوجد حالي وجد من فارق ابواش
يوم اتذكر ماضي الوقت والطيش
كنا صغار ولعبنا بين الاحواش
انفس بريه مانعرف الوشاويش
وقلوبنا من طيبها ابيض من الشاش
جهال بالوان الحياه المرابيش
ما نعرف اليا جرت العين الارماش
ماندرك انها للغزل بس بشويش
مثل الحريقه تشعل بعود وقشاش
ويكبر سموى وانتي يكبر معاليش
ماقلت يوم فيه عني بتنحاش
واني لابد اضمي على شوف خديش
واشتاق لمس كفوفش وشوف حناش
ويهيم فكري بحبش وحب غاليش
ويغيب فكري كل ما اذكر حلاياش
الله علم يازين بسلم وباعيش
واشوف انا طولش وعرضش ومثناش
واشوف كحل عيونش وكل ما فيش
من الناصيه يازين لي حد ماطاش
.
موضوع: الله علم يازين بسلم؟؟ 