خمسة رخامة

مبسوطين النهاردة ؟؟؟

اية رايكم أنرفزكم شوية…

ركز معايا

س: ايه الشبه بين الجرنال والشمس ؟؟
ج: الاتنين بيطلعوا الصبح

س: ايه الشبه بين التفاح والكمثرى ؟؟
ج: الاتنين مش جوافة

س: ايه الشبه بين الحمار الذكي وسوبر مان ؟؟
ج: الاتنين خيال علمي

س: ايه الفرق بين الصحراء.. وايام الاسبوع.. وموس لورد ؟؟
ج: الصحراء مفيهاش حد
ايام الاسبوع فيها حد واحد
موس لورد فيه حدين

س: واحد وقع من الدور التاسع لقى ايه ؟؟
ج: لقى مصرعه

س: واحد وقع من الدور العاشر لقى ايه ؟؟
ج: لقى حتفه

س: ليه الأرنب مبيعديش من قدام القهوة ؟؟
ج: بيخاف من السحلب المكار

س: دكتور أسنان ارتكب جريمة يسجنوه فين ؟؟
ج: في سجنال تو

س: ليه نابليون كان بيقعد قدام التلاجة ؟؟
ج: عشان يستنى حملة فريزر

س: ايه هي قمة الادب ؟؟
ج: انك تخبط على التلاجة قبل متفتحها

س: ايه هي قمة الصبر ؟؟
ج: انك تستنى حد يفتحلك

س: ايه هي قمة الدهشة ؟؟
ج: حد يفتحلك فعلا

س: إيه وجه الشبه بين الحلاق وجورباتشوف ؟
ج: الإتنين بيتعاملوا مع الروس

س: إيه وجه الشبه بين القمر وصينية البطاطس ؟
ج-الإتنين ميتعملوش عصير مانجو

س-إيه العلاقة بين الكمبيوتر والحفرة ؟
ج: الكمبيوتر حاسب آلي
أما الحفرة حاسب لتقع

س: ليه في الأرجنتين مش بيزرعوا تين ؟
ج: لأنها من الدول اللا تينية

س: إيه الفرق بين الليمون والزيتون ؟؟
ج: الأولاني بيتعمل منه لاموناتة والتاني مابيتعملش منه زاتوناتة

س- ليه ابوتريكة بيلبس فانلة 22 ؟
ج- عشان 21 ضيقة عليه

س- طب ليه مبيلبسش 23 ؟
ج- عشان فلافيو بيلبس 23

س- طب ايه هو الحيوان التعيس؟
ج- القطة

س- ليه؟
ج- عشان ديما تخربش..............ومتكسبش

س- طب ايه الحيوان اللي دايما مشغول؟
ج- الخرتيت ... تيت ... تيت

س- طب ايه الحيوان اللي بياكل ويشرب بديله؟
ج- كل الحيوانات بتاكل وتشرب بدلها .. عمرك شفت حيوان ساب ديلو وراح ياكل؟

س- طب ايه اقدم حيوان؟
ج-الحمار الوحشي .... عشان ابيض واسود

س- طب ايه هو اجدد حيوان؟
ج- القنفد ...............

س- ليه ؟
ج- عشان بشوكه
و اجدد حيوان هو الكنجارو علشان بكيسه

س- طب ليه التلاجة غبية؟
ج- عشان بتحفظ الاكل ….. مبتفهموش