حوار بين اتنين طرش..

إتنين طرش واقفين على محطة الأوتوبيس فدار بينهم هذا الحوار

الأوتوبيس ده رايح مصر الجديدة ؟؟

إيه ؟ على الحديدة ؟؟ ليه إنت طالب إحسان ؟؟

بذرة الكتان ؟ تلاقيها عند العطار

الجزار ! إنت عاوز لحمة ؟؟

زحمة ؟! معلش أصل ده معاد خروج الموظفين

نور الدين ؟! معرفوش

متشربوش ؟؟ ليه كفا الله الشر

راس البر ! دا مصيف هادى

المعادى ؟؟ دى ضاحية جميلة

بليلة !!! إنت جعان

عيان ؟؟ متروح للدكتور

حنطور ؟! دى مواصلة جميلة توصلك لحاد الباب

هباب ! و أنا إلى كنت فاكرك محترم

إتخرم ؟؟ هو مين ؟؟

أسبرين ؟؟ ليه إنت عنك صداع ؟؟

قراع ؟ دا مرض خطير

فطير ؟؟ د تقيل على المعدة و تمنه غالى

خالى ؟؟ إنت تعرفه ؟؟ دا كبير فى السن

جن ؟! إنت راكبك عفريت !!!!

كبريت ؟ عاوز تولع ؟؟

أتدلع ؟؟؟؟! مفيش حد غيرك أتدلع عليه

فمر عليهم راجل شرطة لقاهم بيتخانقوا فقالهم : واقفين هنا بتعملوا إيه ؟؟

قالولوا : مسنيين الإوتوبيس

فقالهم : يانهاركم إسود .. جواسيس ؟؟ طب تعالوا معايا

» حوار بين اتنين ستات بعد لما ماتوا.... تهيس اخر حاجة
» قصة اتنين حبوا بعض على النت واتجوزا و اتطلقوا
» اتنين اغبية واحد يسأل و التانى يجاوب